Irailean itzuliko da "Amarauna" familientzako saioa, dantza, musika, eszena edo narrazioa biltzen dituzten saioen bidez hainbat hizkuntza artistikotara hurbiltzea proposatzen duena.

Programa horren baitan, museoak Sergi Buka magoa hartuko du irailaren 20an, 17:00etan, Magialdia jaialdiarekin elkarlanean antolatutako irudi eta itzalen ikuskizunarekin.

6 urtetik aurrera, pertsona heldu batek lagunduta. Doako sarrera lekua bete arte, erreserba egitea gomendatzen da.