"Zuloa" izeneko bailara misteriotsu batean, soinujole eta ikerlari poeta batek Adarbakarra berpiztuko du, publikoaren aurrean ager dadin. Zer konta dezake gutaz inoizko izaki mitologiko globalizatu eta bertsionatuenetako batek?

"Adarbakarra" euskalduntasunari, eta zergatik ez, gudariaren irudiari luma jarri nahi dion olatura batzen den proposamena da. Fedea, justizia, herria edo jatorria bezalako topikoak begirada kuri-feminista batetik nola zikindu, nahasi eta hondarretik berreraiki daitezkeen ikertzen du sormen proiektu honek. Elementu klasikoak, garaikideak eta tradizionalak nahasten dituen, fantasiaz eta gordintasunez betetako ipuin eszenikoa da. Umorez, musikaz eta poesia bisualez jositako kontzertu eta performancearen arteko munstroa.

Fitxa artistikoa:

• Sorkuntza: Garazi Navas, Maite Aizpurua Olaizola

• Zuzendaritza artistikoa eta ekoizpena: Maite A.O., Infinitudrama

• Kanpo begirada: Oier Guillan

• Testua: Maite A.O.

• Musika konposizioa: Garazi Navas

• Argiztapena: Junki Mayo

• Teaser: Zazpi t’erdi

• Irudiaren diseinua: Alots Arregi

• Laguntzaileak: Eremuak, Dinamoa Sormen Gunea, Eusko Ikaskuntza, Lekuona Fabrika (Legamia)