El Ministerio de Cultura francs incluye el bertsolarismo en el catlogo del patrimonio cultural inmaterial

  • El Ministerio de Cultura francs incluye el bertsolarismo en el catlogo del patrimonio cultural inmaterial

Bi katalogoetan dago bertsolaritza ondare immaterial gisa aitortua: 2018an Nafarroako lurraldean jaso baitzuen izendapena, eta orain Bertsularien Lagunak elkartearen bidez eskaera eginda, Frantziakoan.

Pasa den udaberrian egin zuen eskaera Bertsularien Lagunak elkarteak, eta azken astean jaso du baiezko erantzuna: bertsolaritzak kultura-ondare immaterialaren izendapena lortu du Ipar Euskal Herrian. Izendapen honen ostean, bertsolaritza bi lurraldetako katalogoetan edo inbentarioetan geratu da jasoa: 2018. urtean Nafarroako lurraldean jaso dezakeen babes mailarik gorenena jaso zuen, eta aurten, Frantziako kultura-ondare immaterialaren zerrenda nazionalean sartu du Frantziako Kultura Ministerioak.

"Ezagutu, praktikatu eta transmititu" azpitituluarekin helarazi dio izendapena egiaztatzen duen agiria Aritz Bidegain Bertsularien Lagunak elkarteko lehendakariari. Elkarteko kide Ainhoa Elizondok aipatu digunez "duen garrantzia eman behar zaio izendapenari, ez gehiago eta ez gutxiago: bertsularitza mugimendu bizia da gaur egun herriz herri eragile, sortzaile eta pertsona askok egindako lanari esker urtetako lanari egindako aitortza gisa hartu behar dugu izendapena". 120 bat saio edo ekimen antolatzen dira urtero, adin guztietako 45 bat bertsulari daude, 70 talde daude hezkuntza arautuan, bai ikastola zein eskola elebidunetan, eta 250 ikaslek izena eman dute bertsu eskoletan.

Iaz abiatu zuen proiektua Bertsularien Lagunak elkarteak. Beñat Iturralde Agirre antropologoaren gidaritzapean eta Thaïs Boukellaren laguntzarekin osatu da bertsolaritza ondare immaterialaren katalogoan sartzeko beharrezko den ikerketa lana. Fabien Van Geert Parisko Sorbonne Nouvelle Unibertsitateko antropologoa aritu da arduradun zientifiko lanetan. Hauek ez dira lankide bakarrak izan ordea, Iturraldek ondoan izan baititu Euskal Kultur Erakundeko Terexa Lekunberri antropologoa eta inauteri eta euskal tradizioetan aditu den Thierry Truffaut ere. Xenpelar Dokumentazio Zentroko kideen laguntza ere ezinbestekoa izan da lana burutzeko.

 
 


  • Temática Artes escénicas
Euskadi, bien comn