"Atarian"

  • "Atarian"

Nire gelan, inoiz ez da argirik pizten sabaitik zintzilik dagoen kablearen amaieran. Hala ere, hatzek oraindik ez dute galdu ate ondoko giltza mugitzeko ohiturarik. Aitaren etxean bezalaxe, sartu eta irteten naizen bakoitzean. Bi aste daramatzat keinu hori behin eta berriz egiten, baina, hemen, denak ilunpean jarraitzen du: aspaldi sartu zen gaua leihorik gabeko nire gelan, eta hantxe geratu da, nire moduan, geldi-geldirik, adi.

Bizitzaren amaieran, heriotza ate-joka sentitzean, izan garena azaleratuko da. Oinordekotza-arazoak, boterea, dirua...; izarpean, atarian egingo dute topo Juanek eta Leandrok, biek ala biek maitasunaren abaroa aurkitu nahian.

Leandro, Hernaniko baserri bateko azken jabea, Maite alabak Sandiusterri egoitzan sartuko du gogoz kontra, burua nahasi zaiolako aitzakian. Haren benetako kezka, ordea, baserriaren jabetza da. Egoitzaren barruan, Juanek babestuko du, asmo iluneko gizonak.

Kate-begien moduan uztartzen diren istorio hauetan, Paula agertuko da bi gizonen alboan. Oin bat haurtzaroan, bestea helduen munduan, mugarria igarotzeko atakan dago neskatoa, lehen maitasunarekin ametsetan.

Hiru pertsonaia, hiru ahots, elkarren atarian; maitasuna, gauari langa jartzeko bide bakarra.

Egilea

Maixa Zugasti (Tolosa, 1973). Deustuko Unibertsitatean Hispaniar Filologia ikasketak egin ondoren, irakaskuntzan aritu da hainbat urtez; gaur egun, idazle-lanean dihardu.

Irun Hiriko Literatura saria irabazi zuen 2017an, LAA istorioarekin. Harrezkero, eleberri bat, ipuin bat, eta poema-bilduma bat, argitaratu ditu: Ahotsak eta itzalak (Erein, 2018), Tximeletak hondartzan (Erein, 2019) eta Hostoen hezurdura unatua (Balea Zuria, 2021), hurrenez hurren.

Irakurri lehen orrialdeak (PDF - 350 KB)

Erosi Atarian liburua

Erein

Laburrean

  • Egileak Maixa Zugasti
  • ArgitaletxeaErein
  • Zenbatekoa21,00 €
  • HizkuntzaEuskara
  • Orri-kopurua336
  • Argitalpen-urtea2022
  • LizentziaCopyright
  • ISBN978-84-9109-813-3
  • Info Gehiago
Euskadi, auzolana