BILBAO ESZENA zentroko lokaletan, entseguak eta bilerak egiteko aretoak ditu, arte eszenikoekin zerikusia duten pertsonek, taldeek eta elkarteek beren jarduera garatzeko aukera izan dezaten. Zentroa sortu zen antzerki amateur eta erdi profesionalaren lanari laguntzeko eta zabaltzeko Bilbon, eta horren ondorioz, Bilbo Handian eta Bizkaiko probintzian ere.

BilbaoEszena zentroan, Hiribilduko antzerti-eszena eta dantza amateurra osatzen duten taldeen antzezpenak ere sustatu eta antolatzen dira, zenbait jardueraren bidez, hala nola, Zirkuitoa programa. Han, talde horiek beren lanak aurkezten dituzte Barrutiko Udal Zentroetan.

Taldeek aretoa erreserba dezakete Bilbao Eszena zentroan eta Barrutiko Udal Zentroetan beren lanak antzezteko.

Zentroko baliabideak erabili ahal izateko, ezinbestekoa da izena ematea eta taldearen fitxa betetzea. Hori guztia, doakoa da. Izen-ematea BILBAO ESZENA zentroan bertan egingo da.

Zerbitzuak:

• Doako lokalak entseguetarako. Bi areto BILBAO ESZENA zentroan eta beste zazpi Barrutiko Udal Zentroetan: Otxarkoaga, San Frantzisko, Begoña, Deustu, Barrainkua, Arangoiti eta Zorrotza.
• Arte eszenikoei buruzko dokumentazio-zentroa.
• Lan egiteko eta bilerak antolatzeko aretoak, ordenagailuarekin eta WIFI internetekin.
• Baliabide material eta tekniko desberdinak, Bilbon antzerti-jarduera garatzeko: Argiak, soinua, oihalak, proiektagailua, pantaila, argazki-kamera eta bideo-kamera, etab.
• Laguntzak kartelak eta fotokopiak egiteko, elkartutako taldeen antzezpenak sustatzeko.

Ikastaroak:

• Urteko ikastaroak antzerkiaren munduan sartu nahi diren eta hobeto ezagutu nahi duten pertsonentzat: Antzerkia I, II eta III; Musika antzerkia, Umeentzako antzerkia; eta Gazteentzako antzerkia.
• Ikastaro monografikoak, trinkoak, gehienez, hiru hilabeteko iraupenekoak. Artista amateur edo erdi profesionalen prestakuntza bultzatzeko dira, beren teknika eta ezagutza eszenikoak hobetzeko.
• Adin eta familia bereko kide desberdinak batzen dituzten famili eskolak. Ikastaro honen asmoa da antzerkiaren mundua hurbiltzea, denbora libreaz gozatuz eta entretenituz.

Ordutegiak:
Astelehenetik ostiralera: 9:00etatik 22:00etara