Arabako Foru Aldundiak urtero deitzen du sari hau 1972tik. Diru-horniduraz gain, sariak ipuin bilduma argitaratzea ere badakar.
Literatur sari hauek Ignacio Aldecoa Isasiren literatur lana omentzen dute. Gasteizen jaio zen 1925eko uztailaren 24an, eta bere garaiko ipuingile berritzaile eta originalenetako bat bihurtu zen.
Lehiaketa honek bere bizitza eta obra goraipatzen ditu; eta ipuina literatura molde zorrotz bat bezala ospatzen du, mundua lerro gutxi batzuetan intentsitate adierazkor handiz itxi behar duena.
