Biharamunean Ura, Itziar Ugarte / Mikele Landa + Peru Galbete
Emanaldi honek bi emanaldi ditu bere barruan: Gu gabe ere liburuaren eszena gaineko hedatzea —Itziar Ugarte Irizarren testuak eta Mikele Landa Eigurenen ikus-entzunezkoak uztartzen ditu—; eta zinema hedatuaren formatuari dagokion Peru Galbeteren Uraren oldea kontzertu bisuala. Biharamunean ura-ren asmoa, berriz, bien arteko elkarrizketa bat proposatzea da; irekidura bat lengoaia poetikoarentzat, denborak uzten dituen markentzat eta haietan ernatzen diren galderentzat.