Jazz Vital 2024 musika zikloaren egitarauaren barruan.

Maiatzak 30 - ‘Sensei Music Ensemble’

‘Sensei Music Ensemble’ Alex Lopez ‘Sensei' baxu jotzaile eta kontrabaxu jotzaile amurrioarrak asmatutako proiektua da. 20 urteko jarduera musikalean zehar ezagutzen joan den musikari handien topaketa bat da. Jazzetik, folketik eta popetik elikatzen da, baina etiketak alde batera utzita, marra gorririk gabeko espazioa da eta errespetatu beharreko estilorik gabekoa. Musikaren eta bere emozioen inguruan askatasunez esperimentatzearen emaitza besterik ez da.

Proiektu honetan lagun izango ditu Carla Sevilla, ahotsa, Hilario Rodeiro, bateria eta perkusioa, Raquel Roche, ahotsa, Rubén Salvador, tronpeta eta flügelhorn, Estibaliz Moyano, ahotsa, Raül Vera, gitarra akustikoa eta elektrikoa, Irantzu Garamendi, zeharkako txirula eta ahotsa, Jose Luis Canal, pianoa, Julen Izarra, saxofoi sopranoa, altua eta tenorea, eta Iñaki Plaza eta Kepa Calvo, txalaparta eta perkusioa.