Kalakan

Mungia 2022(e)ko Urtarrilak 15
  • Kalakan

Artizar euren azken diskoko abestiak aurkeztuko dituzte zuzenean.

Norabidea ez galtzeko ardatz segurua, betidanik gure buru gainean izan dena. Oinarri mugituezina, hainbat mendetan artzainek ere erabili izan duten «itsasargia».

Kalakan taldeak azalduko duen disko berriaren izenburuaren esan nahiari konektatuta egon nahi du, beti eta beti. Edozein tenpesta zeharkatuz ere, burua edo norabidea inoiz galdu gabe bakoitzak gure bizi bidea beti segitu behar dugula gogoratu nahi baldin bazigun bezala.

Azken 10 urteetan hainbat lurralde, artista, kolaborazio ikusi izan ditu hirukoteak bainan beti ardatz berdina mantedu izan du: Euskal kantua eta honi dion errespetua.

Azken disko honetan, bere bizi bidearen xenda berri batean sartu da Kalakan, kantu tradizionalak sonoridade aktualago batzuekin apainduta; zentzua inoiz galdu gabe. Horretarako esperientzia eta kalitatea zaintzen dituzten artistekin lan egin du taldeak, Pello Reparaz, Hugo Imakhoukhene eta Andrew Keelan bezalako musikariekin besteak beste.

Kantu hutsa beti hor izanik ere, unibertso zabalago bat eskeintzen dio elektronikoki programatutako musikak taldearen musikari. Danborrak eta ahotsak, teklak eta efekto kosmikoak… Jamixel, Xan eta Bixentek hainbat sorpresa emango dizkigute lan berri honetan.

MUSIKARIAK: Jamixel Bereau (ahotsa, xilintxak, danborra, panderoa, teklatuak), Xan Errotabehere (ahotsa, alboka, txirula, teklatuak), Bixente Etchegaray (ahotsa, dunbala, tronpeta, teklatuak).
IRAUPENA: 85′.

 

mungia.eus/

Laburrean

  • Mota Kontzertua
  • Data 2022(e)ko Urtarrilak 15
  • Ordutegia20:00
  • Lekua Olalde Aretoa
    Olalde Kalea z/g
    Mungia
  • Zenbatekoa10 €
  • Sarrerak Erosi
  • HizkuntzaEuskara
  • Web Olalde Aretoa

Non

Euskadi, auzolana