Bilboko Udalak "VI. VillaSoundBilbao (VSB)" jaialdian izena emateko epea ireki du gaur. Jaialdiaren helburua da Euskadiko eta Nafarroako eszenako musikari eta talde gazte emergenteak (16-35 urte) bultzatzea eta laguntzea.

Artista interesdunek astelehen honetatik (urtarrilaren 19tik) otsailaren 17ra arte dute eskabidea egiteko, web-orri honetan: www.bilbao.eus/bilborock. Epaimahai batek hautatuko ditu Bilborock aretoan 4 kontzertutan joko duten 12 taldeak. Aukeratutako bandek prestakuntza-programa batean parte hartuko dute, eta batek 3 kontzertuko bira bat egingo du.

Lan horiek musika mota garaikideen artean edozeinetakoak izan ahalko dira (rocka, popa, metala, trapa, elektronikoa, folka, egile-musika...), edo haien arteko nahasketa bat. Epaimahaiak aintzat hartuko du taldeetan emakumeak egotea eta euskarazko kantak egitea.

Informazio gehiago