Kordoi Etxea, Vital Kutxako Gizarte Ekintzaren gaur egungo egoitza, jauregi eta merkataritza-etxe baten arteko konbinazio bitxia da, XV. mende bukaerako Gasteiz hiriaren adierazgarri paregabea. Erdi Aroan, mila etxe inguruko hiria zen Gasteiz, eta merkataritzatik bizi zen, leku estrategikoa eta Gaztelako barnealdetik Kantauri itsasoko portuetarako igarobidea baitzen.