Bilbao Bizkaia Design Week 2021 eta EIDE Design Day 2021en esparruan, sormen-industriak eta enpresa-ingurunea gurutzatzeko ekitaldi bat prestatu da. Unibertsitatearen ikuspegitik, diseinuarekin eta sormenarekin lotutako titulazioak ematen diren Euskadiko eta Nafarroako prestakuntza-zentroetako ikasleak izango dira protagonista. Horretarako, azken ikasturteko (2020-2021) proiekturik onenak aukeratu dira, egileek aurkez ditzaten.
Ekitaldiaren helburua proiektuak aurkeztea eta ondoren elkarrizketa bat sortzea da, interesa duten pertsonak ikasleengana hurbildu eta diseinuaren eta sormenaren arloan Euskadin eta Nafarroan dagoen talentua ezagutzeko.
«Talentu Gazteak» diseinatzaile gazteen beharrizan gisa sortu da, helburu hauekin:
Hizlariak Euskadiko eta Nafarroako diseinuko prestakuntza-zentroetako ikasleak izango dira.
Edizio hau Bilbao AS Fabrik – Hiri Laborategietan egingo da, azaroaren 23an, asteartea, 16:00etatik 18:00etara.
COVID-19aren osasun-segurtasuneko neurriak betez, aurrez aurreko ekitaldiak edukiera mugatua izango du, eta, beraz, nahitaezkoa da bertaratzea baieztatzea eta sarrerarekin joatea. Arrazoi beragatik, eskertuko genizuke azkenean bertaratu ezin duenak eskaera baliogabetzea, bere ordez beste pertsona bat etorri ahal izateko.
Zuen zain gaude!
«Talentu Gazteak» amaitzean, Portfolio Night EIDEren garapenarekin batera, koktel txiki bat izango dugu bazkide guztientzat, bai eta EIDEren lagun guztientzat ere, berriro elkar ikusteko eta lasai hitz egiteko.