Euskal Burdinaren Museoa Mirandaola parkean dago, birgaitutako industria eraikin batean. Burdinak Euskal Herrian izan zuen garrantzia eta haren historia ulertzeko gakoak eskaintzen ditu. Horretarako, museoak maketak eta ikus-entzunezkoak jartzen ditu bisitariaren eskura, lurraldea beraren garapenean garrantzia izan duten alderdi teknologikoak, historikoak, zientifikoak, sozialak edo paisaiarenak ezagutu ditzan. Antzinako lanbide batzuk ezagutu ahal izango dira bertan, olagizonarena, meatzariarena edo ikazkinarena, besteak beste. Ikazkinak egiten zuen lanaren gogortasunaren lekuko, tamaina errealean egindako txondor bat ikus daiteke museoan. 

Prezioak, ordutegiak eta bisitei buruzko informazioa esteka honetan eskuragai.