Carmen vs Carmen emakumeen ariman murgiltzea da, bidaia liluragarria emakumearen eta haren askatasunaren unibertsora. Bizeten musikan eta Merimée eleberrian ideia hartuta, Manuel Segoviak lanaren koreografia sortu du, Espainiako dantzaren aberastasunaren eta teknikaren bidez, eta dramaturgia, egungo gizartearen arazo larri baten gaineko gogoeta eta isla moduan: tratu txarrak eta genero indarkeria. Carmen askatasunaren sinboloa da, bere unibertsoa aldarrikatzen duena, giza arimaren gaineko hausnarketa.
