AKarTia Trío XVII. Bernaola jaialdian aurkeztuko da, duoko obrak eta Pascal Gaigne konpositore frantziarraren hirukoterako obraren erabateko estreinaldia batzen dituen errepertorioarekin.
Naiara De La Puente, Iñigo Setuaín eta Patricia Castro osatutako musika taldea da AKarTia Trío. Akordeoi klasikoa, saxofoia eta ahotsa batzen dira horrela lehen aldiz musika talde aitzindari horretan.
Talde hori 2019an sortu zen Gasteizko bi musikarien ekimenez. De La Puente eta Setuain euren jaioterrian daude, euren jarduera profesionala eta akademikoa Europan garatu ondoren. Tresna horietako bakoitzarekin hainbat proiektutan agertokia partekatu izanak eta soinu-lurralde berriak arakatzeko interesa izateak hirukote berezi hori sortarazi dute.
AKarTia Trío taldeko kideek ganbera musikaren arloan duten esperientziaz elikatzen da. Gainera, obra originalak ez izatea motibazio bat izan da errepertorio propioa sortzeko eta musika garaikidearen eremua sustatzeko. Horretarako, ikerketa eta ikusgarritasun lana egiten dute, hainbat konpositorerekin lankidetzan arituz eta talde horrek eskaintzen dituen tinbre aukerak erakutsiz. Enkargu propioen bidez, AKarTia Tríok ahots, akordeoi eta saxofoiarentzako errepertorioa bultzatzen du, egungo panorama garaikidea aberastuz horrela.
Hirukoteko hiru kideek nazioarteko prestakuntza sendoa dute hainbat musika erakundetan, hala nola Basileako (Suitza) Hochschule für Musik, University of the Arts Helsinki - Sibelius Academy (Finlandia), Royal Academy of Music the Copenhague (Danimarka) eta Freiburgeko (Alemania) Hochschule für Musik.
