Bilboko Zirkuitua 2023ren barruan.
“Ze berri? Zaharrak berri!” dio atsotitzak, eta arrazoia du. ¡Porque me oprime el corsé! trenez egindako bidaia da, gure amen eta amonen oroimen femeninoan barrena, batzuetan errukiz begiratzen diegun horietan, uste dugulako ez zirela ez zoriontsuak ez askeak izan. Batzuetan pentsatu nahi izaten dugu oraina gaur egin dugula, agian duela egun pare bat, eta ahaztuta geratzen dira emakumeok atzo egin genituen lan horiek. Bidaia dibertigarria proposatzen dizuegu, gure harrokeriak isildutako emakume apalen oroitzapenetan barrena, argiz eta itzalez osatuta. Emakumeok emaztea eta amarena baino ez genuela egiten? Igo trenera eta utzi antzerkiaren triki-trakari lan egiten. Ah, eta askatu kortsea!
