Lasarte-Oriako 2023ko San Pedro Jaiak ekainaren 28tik uztailaren 2ra ospatuko dira. Aurretikako jardueren artean, hilaren 24an, larunbatarekin, zumba-saio bat egingo da Okendon, Emakumeen Zentroak antolatuta, eta igandean, hilak 25, LOTMEk martxa ludiko ez-lehiakor bat antolatu du Buruntza mendira, familian gozatzeko pentsatua eta diseinatua. Izen-ematea, guztiz dohainik, haren webgunean egin behar da: https://www.lasarteoriatrail.com. Hilaren 25ean Xakeko Adiskidetasunaren II. Txapelketa ere egingo da.
Jai ofizialak ekainaren 28an hasiko dira, 12:00etan udaletxe zaharretik jaurtiko den haurren txupinazoarekin, eta uztailaren 2ko igandera arte luzatuko dira. Hilaren 28ko arratsaldean helduen txupinazoa izango da, Txema Vallés omendua bertan dela. Herrian oso ezaguna den kazetaria, Diario Vasco egunkariaren Lasarte-Oriako korrespontsala izateaz gain, udalerriko albiste eta jarduera guztien berri emanez, Lasarte-Oriaren argazki-memoria izan da azken 40 urteotan.
5 jaiegunek oso programa betea izango dute jardueren kopuruaren aldetik. Adin eta publiko guztientzat pentsatutako programazioa da, baita familian gozatzeko ere.
