Santurtziko Karmengo jaiak 2023: egitaraua

Santurtzi 2023(e)ko uztailaren 14(e)tik 2023(e)ko uztailaren 23(e)ra
  • Santurtziko Karmengo jaiak 2023: egitaraua

Uztailaren 14tik 23ra bitartean ospatuko ditu Santurtzik 2023ko Karmengo jaiak.

Santurtziko Udalak Karmengo jaietako hamar jaiegunetan, uztailaren 14tik 23ra bitartean, egingo diren kontzertuen berri eman du. Oraingoan, herriko festek musika estilo ezberdinak izango dituzte, gustu guztietara heltzeko programatuak. Hala, bederatzi gauez, talde eta artisten dozena bat kontzertu baino gehiago ikusi ahal izango dira, besteak beste, egungo musika-panoraman garrantzi handia duten figurak eta taldeenak.

Lehenengo ostiralean, uztailak 14, Pasarela orkestrarekin hasiko dira kontzertuak. Talde-orkestra horrek poparen eta rockaren kanta onenen errepasoa egiteaz gain, beste estilo askotako musikak joko du.

Uztailaren 15ean, larunbata, Janus Lester talde euskaldunaren txanda izango da. Jokin Pinatxoren musika proiektua estilo ezberdinez beteta dago, soul eta funk aireak nahastuz. Kontzertuaren ondoren, Oihan Vega DJaren txanda izango da.

Uztailaren 16an, igandea, Karmengo egun handian, estatu mailako abeslari onenetako bat izango da, Luz Casal. Abeslari galiziarrak disko berria aurkeztuko du eta bere kanta ezagun eta arrakastatsuenak abestuko ditu.

Uztailaren 17an, astelehena, Santurtziko Unión Musical Vizcaínak urtero jaietan jende gehien biltzen duen kontzertuetako bat eskainiko du, José Miguel Medranoren zuzendaritzapean,. Oraingo honetan, Ken 7 taldeko Eñaut Elorrierta kantari ohiaren laguntza izango du kontzertuak.

Uztailaren 18an, asteartea, Ana Menaren txanda izango da, ziur aski santurtziar gazteek gustukoen izango duten aukeretako bat izango den kontzertua.

Uztailaren 19an, asteazkena, Carlos Rivera abeslari eta konpositore mexikarra Santurtzin izango da, bere balada hunkigarriekin entzuleen gozamenerako.

Uztailaren 20an, osteguna, indie musika iritsiko da Karmengo jaietara, Shinova euskal taldearen eskutik  “La buena suerte” eskaintzera. Montana talde hasberriarekin batera arituko dira.

Uztailaren 21ean, ostirala, Sabrinaren txanda izango da, eta publikoa dantzan jarriko du Boys (Summertime Love) abestiarekin, zeina etengabe entzun baita. Agoney Operación Triunfo taldeko abeslari eta lehiakide ohia izango du lagun. Kanariarrak bere azken lanei eta Benidorm Fest 2023 jaialdian parte hartzeari esker bere proiekzio mediatikoa biderkatzen ikusi du.

Uztailaren 22an, larunbata, Vulkano Orkestrak emango die amaiera bikaina jaietako kontzertu handiei. Show berria eskainiko digute, non abesti berri ugari, eszenaratze ikusgarria eta zuzen-zuzeneko musika gozatzeko aukera izango baitugu.

Herriko banden kontzertuak

Serantes “ACMUSIC” Musika Elkarteak aukeratutako herriko bandek uztailaren 15ean, larunbata, joko dute 23:00etan pantalanetan.

Urtero bezala, gogoratu behar da jai-esparruak mugikortasun urriko pertsonentzat gordetako gune bat izango duela, kontzertuez oztoporik gabe gozatzeko aukera izan dezaten.

santurtzi.net

Laburrean

Non

Euskadi, auzolana