Trapagarango jaiak itzultzen dira jende guztiarentzako ehun jai-ekitaldi baino gehiago biltzen dituen programazioarekin, publiko ezberdinek beren gustuko ekitaldiak aurki ditzaten. Horrela, datorren abuztuaren 28tik irailaren 3ra arte, jai giroan murgilduko da herria: haurrentzako tailerrak, kalejirak, lehiaketak, emanaldiak eta musika ugari.

Jai-aurrea

Abuztuaren 28an eta 29an jai aurre klasikoak hasiko dira kirol ekitaldien programazioarekin: XVI. Trapagarango Jaiak 2023 pilota txapelketa La Escontrilla Ikastetxean eta futbol txapelketa "A" Torneoko finalerdiekin: Trapagaran - Gallarta eta Otxarkoaga - La Merced partidekin.

San Ramon Nonato jaiak

San Ramon Nonato jaiak abuztuaren 30etik irailaren 3ra ospatuko dira. Abuztuaren 30ean, asteazkena, herriko kuadrilla zaharrenetako bik, Mamarru Konpartsak eta La Kuadrillak, jaiei hasiera emango diete 19:00etan pregoiarekin. LADP kuadrillak izango da txupinazoaren burua.

Horren ostean, "Kuadrillen Jaitsiera" trapagarandarraren txanda helduko da, eta Bandarra Street Orkestra taldearekin batera herriko kaleak alaituko dituzte. Bost egunetan zehar, herria jai giroan murgilduko da, publiko guztiarentzako egitarau zabalarekin, umeentzako tailerrak, lehiaketak, txapelketak, emanaldiak eta abar

Gainera, marmitako eta paellen lehiaketa gastronomikoak ere izango dira egitarauan, irailaren 2an eta 3an ospatuko direnak. Nabarmentzekoa da Trapagarango jaietako beste erakargarritasun handienetako bat jaietako gau bakoitzari bizia ematen dioten kontzertuak direla, guztiak doakoak. Aurten ondorengo kontzertuez gozatu ahal izango da:

• Abuztuak 30, asteazkena (00:00): The locos (Ex Ska-p) taldearen kontzertua Barranco-Larrondon.
• Abuztuak 31, osteguna (22:30): Kryton Orkestraren emanaldia Lauaxeta plazan.
• Irailak 1, ostirala (23:00): Neomaken kontzertua Lauaxeta plazan.
• Irailak 1, ostirala (23:00): Zetak taldearen kontzertua Barranco-Larrondon.
• Irailak 2, larunbata (23:45): La Oreja de Van Gogh "La Otra Oreja" ren omenezko kontzertua Lauaxeta plazan.
• Irailak 2, larunbata (23:45): El Canijo de Jerezen kontzertua Barranco-Larrondon

Abuztuaren 31tik irailaren 2ra (larunbata) artean, jaietako gauak girotuko dituzten DJak egongo dira, hala nola, DJ LVL, DJ Argu edo DJ Yasmin

Gauek bakarrik ez dituzte kaleak musikaz beteko, egunez Plaza Llanon ere jai giroaz gozatzeko aukera izango da publiko helduagoentzat. Musika taldeek goizez (13:00) eta arratsaldez (20:00) parte hartuko dute, Bilbao Mapa Mundi, Boleros 3 Blue edo Viva México taldeekin, besteak beste.

Ostegun morea: eraso sexisten aurkako programa berezia

Abuztuaren 31, osteguna, egutegian morez markatuko den eguna da. Helburua eraso sexistak aurreikustea eta horien aurrean sentsibilizatzea da, eta hainbat jarduera egingo dira, hala nola Batukada Morea herriko kaleetan zehar.

Aurreko urteetan ez bezala, 2023ko jaietan bi puntu more izango ditugu: bata txosnagunean eta bestea Errotako Estradan. Eraso sexistei buruzko jarduerak eta informazioa eskaintzen duen gunea da. Herritarrei informazioa emateaz gain, esku hartzeko gunea izango da eraso sexistaren bat gertatuz gero. Jaietan leku more honetara joan ahal izango da ordutegi honetan:

• Asteazkena 30, 20:00etatik 01:00etara
• Osteguna 31, 22:00etatik 01:00etara
• Ostirala 1, 22:00etatik 03:00etara
• Larunbata 2, 22:00etatik 03:00etara

Azpimarratzekoa da ostiralean eta larunbatean, puntu more finkoaz gain, kuadrilletatik igaroko diren koordinatzaileak ere egongo direla, pertsonak eraso sexisten eta jazarpenaren aurka sentsibilizatzeko.

Gaueko autobus zerbitzua

Jaiegunetako gauetan, Trapagaranek doako gaueko autobus-zerbitzua izango du udalerriko auzo gehienetan zehar. Laster, zerbitzu gehigarri honi buruzko informazio gehiago eskainiko da.

• Kartela (PDF 11MB)
• Egitaraua (PDF 332KB)