Iturramako Civivoxak Danz izeneko dantza garaikideko jaialdia jasoko du urtarrilan. Herritarrendako dantza-proposamenak erakusteaz gain, dantzaren inguruko topagune eta gogoeta tokia ere bada. Aurten, dantza-taldeekin ohiko lankidetzak egiteaz gain (La Faktoriarekin, adibidez), egitarauak ATALAK sarearekin (Sorkuntza Koreografikorako Mugaz Haraindiko Sarea) elkarlanean jarraituko du. Horrenbestez, dantza garaikideko ikuskizunek, koreografia lantegiak, dantzari buruz gogoeta egiteko topaketak eta umetxoendako antzerkia-dantza ikuskizunek osatzen dute DanZ’24.