Donostiako Jazzaldia 2024 jaialdiaren egitarauaren barne.

Pere Bujosa (kontrabaxua), Diego Hervalejo (pianoa), Joan Terol (bateria)

Pere Bujosa musikari mallorcarra familia melomano batean jaio eta hazi zen, mota guztietako musika entzuten zuena, klasikotik hasi eta The Rolling Stones bezalako taldeetara arte. Hasieran, prestakuntza klasikoa jaso zuen eta, ondoren, modernoa eta Jazzekoa. Bartzelonako Liceu Kontserbatorioan, University of North Texasen eta Amsterdameko Kontserbatorioan osatu zituen ikasketak.

Antonio Serrano, Ben Van Gelder, Irene Reig eta Salvador Sobral musikariekin kolaboratu du Bujosak. Europako jaialdi eta areto askotan aritua da, eta dagoeneko lau lan propio argitaratu ditu, kritikaren eta publikoaren harrera bikaina izan dutenak. 2023an, Jazz España plataformak Jazz España Saria eman zion proiektu emergente onenari.

Hirukote honen musikak Bujosak testurekiko eta erritmoarekiko duen pasioa islatzen du, rockaren, elektronikaren eta inprobisazio askearen eraginak nabaritzen diren Jazz formula batekin.