Bilboko 2024ko Aste Nagusiaren egitarauaren barruan.

Balearen Desfilearen musika eta koloreak protagonistak izango dira aurte ere Aste Nagusiko lehenengo igandean, abuztuaren 18an, euskal arrantzaren tradizioei eta euskal portuetako emakume-lanbide zaharrenei begiratuko dien hitzordu batean. Gainera, aurten, ohianeko erritmoan dantzatu egingo duten animaliak ere egongo dira, lehoi bi (arra eta emea), jirafa bat, tximino bat, errinozeronte bat, zebra bat, antílope bat eta hipopotamo bat barne.

Kalejira, 19:00etan abiatuko da Plaza Biribiletik, Kale Nagusia zeharkatuko du, Moyua Plazari bira osoa emanez, eta Maria Diaz de Haro bidegurutzean amaituko da.

‘Bali’ Balea buruan, itsas gaiak jorratzen dituzten bost puzgarri izango dira protagonistak, Olagarroa, Txangurroa, Bisigua eta Txirla barne, itsas hondoko beste elementu batzuekin batera.

Gainera, konpartsak, fanfarreak eta txarangak ere izango dira, erritmo desberdinetako musikaz desfilea girotuz. Besteak beste, hainbat animaliaren txotxongilo erraldoiak, oihanaren erritmora dantzatuko dutenak, eta bi metro eta erdiko hartz arre bat, fanfarre musikal batekin. Gainera, Nana, lau metroko trotundo erraldoi bat, agertuko da eta bere trizikloarekin Kale Nagusia zeharkatuko ditu.

Musikarekin eta batukadekin batera, arpoilarien konpartsa eta fanfarrea ere bertan izango dira, balearen tradizioa eta arrantzako abestiak irudikatzeko. Gainera, Itsasoko Lehoiak konpartsa ere egongo da, emakumeek soilik osatuta eta euskal portuetako emakume-lanbide zaharrenei ahotsa emango diena, hala nola, neskatileena, saregileena eta paketatzaileena.

Desfilearen alaitasunaz gozatzeko, konfeti poltsak banatuko dira bertaratutakoen artean. Banaketa 16:00etan hasiko da, desfilearen hiru puntutan: Plaza Biribilean, Bizkaiko Foru Aldundiaren Jauregiaren aurrean eta Moyua Plazan.

Jaietarako irisgarritasuna errazte aldera, Udalak desgaitasuna duten pertsonentzat erreserbatutako espazioa handituko du, Bizkaiko Foru Aldundiaren Jauregiaren aurrean.

Kalejira igaro ostean, Udaleko garbiketa talde bat arduratuko da hondakinak kentzeaz eta Kale nagusiko eta inguruko espazioa egokitzeaz, Plaza Biribiletik abiatuta.

PERTSONAIEN ZERRENDA

ITSAS ANIMALIAK

• ‘Bali’ Balea. Anfitrioiak, 12 metro luze eta 5 metroko diametroa duen puzgarriak, ura jaurtiko du ikus-entzuleen gainera.
• Olagarroa. 6 metroko altuera eta 13 metroko diametroa duen pertsonaia, iaztik diseinu berria duena, bere bidaia-lagunaren, Balearen, atzetik joango da, irristatuz, bere garroetatik konfetia kanporatzen duen bitartean.
• Txangurroa. Koloretako karramarroak umeak harrapatuko ditu bere pintza erraldoiekin, sustoak eta dibertimendu handia sortuz.
• Bisigua. Arrain erraldoi eta koloretsua ahotik kea botatzen arituko da.
• Txirla. 2018an sartu zen puzgarria da. Garraiolariek lagunduta bere buruaren gainean birak ematen dituen maskor handiak konfetia jaurtiko dio jendeari.

LAGUNTZAILEEN KONPARTSAK

Batukabalea. Balearen kamisetak jantzita desfilea irekiko duen perkusio taldea.

• Arpoilariak eta Fanfarrea. Arpoilarien Konpartsak balearen tradizioa birsortzen du, arrantzako abestiak eta pauso koreografiatuak txertatuz. Arpoi eszenografikoetan txertatutako kabukiekin konfetia jaurtiz amaituko da. Dultzainekin batera etorriko dira.
• Itsasoko Lehoiak. Emakumeek soilik osatutako konpartsa, saregile, neskatila eta paketatzaileen lanbideak ordezkatzen dituena, eta euskal portuetako emakume-lanbide zaharrenei ahotsa emango diena.
• NANA. Nana, 4 metroko trotamundo erraldoia, Kale Nagusia zeharkatuko duena.

MUSIKA ETA ANTZERKI TALDEAK

• Brutus. Príncep Totilau. Konpartsa honen protagonista nagusia bi metro eta erdiko hartz arre bat da, fanfarria musikal batek lagunduta.
• Euskorleans. New Orleanseko 20. Eta 30. hamarkadetako musika estiloan, Euskal musikako abesti ezagunak birsortzen dituen jazz banda,  tartean, Benito Lertxundiren "Bizkaia maite", “Peio Joxepe”, “Boga-Boga”, Mikel Laboaren "Txoriak-Txori" edo “Basuna”.
• Bandarra Street Orkestra. Tarragonako Campen bizi diren musikarien kolektiboa, istorio komun bat eta musika bizitzeko modu zehatz bat partekatzen dutena. Iparramerikar jatorriko brass band-a eta brasildar perkusioa uztartzen dituzte, eta umorea eta publikoarekiko interakzioa txertatzen dituzte.