MusEkintza 2024/2025 jaialdiaren egitarauaren barruan. 

Zenbat aldiz sentitu duzu ez duzun zerbait nahi duzula? Zenbat aldiz ibili zara bueltaka, falta zaizun “zerbait” horren bila? Asegabetasunarena betiereko giza arazoa “zera hori” eskuratzean gure bizitza osoa izango dela sinestera eramaten gaituena…

Gaur egun, bilaketa hori etengabea eta aseezina da, inoiz ez dugu sentitzen merezi duen leku batera iritsi garenik, eta hor jarraitzen dugu, bueltaka. Gauza jakin bat lortuz gero, gure bizitza betiko konponduta egongo dela uste dugu, baina, egia esan, ez da horrela gertatzen. Bizitza ez zaigulako “erabat konpontzen”, beti gaudelako bidean.

Bueltaxka lanak gelditzera behartzen ditu ikusleak, bueltak emateari uztera, bilaketa bertan behera uztera. Gogoraraziko digu hor kanpoan ez dagoela beste ezer, kitto, den-dena hauxe dela. Baina “honek” merezi duela.

Zuzendaritza:Osa + Mujika
Koreografia:Jaiotz Osa
Antzezleak:Jaiotz Osa, Rafke Van Houplines
Jantziak:Xabier Mujika
Musika:Gartxot
Bideoa/Argazkiak:Etanowski