2025eko Getxo Eszena Kalean jaialdiaren barne.
Zirkulartasunak ez du amaierarik. Ez dakigu non hasten den edo non amaitzen den. Aukeratu al dezakegu zirkulartasun horretatik irtetea? Zirkuluan goazen eta, batzuetan bizkorrago eta beste batzuetan patxadatsuago, gauzak behin eta berriz bizi ditugun sentsazioarekin pasatzen gara munduan. Baina eguneroko eta ohiko ibili horretan beti daude pitzadurak. Eten al daiteke monotonia eta gauzen norabidea aldatu? Zer da benetan garrantzitsua? Zerk bultzatzen gaitu gauzak egitera? Zerk behartzen gaitu zirkuluan jarraitzera? Zerk behartzen gaitu gelditzera, haustera, erritmoa aldatzera…? Kaleko ikuskizuna publiko guztientzat, eszenaratze zirkularrarekin. Gai transzendentala jorratzen da, zirkulartasuna, umorea gure aliatu eta bizitzako lagun bihurtuz.
