Bilbao Distrito Jazz 2026: egitaraua

Bilbao 2026(e)ko otsailaren 6(e)tik 2026(e)ko martxoaren 13(e)ra
  • Bilbao Distrito Jazz 2026: egitaraua

Otsaila eta martxoa bitartean, Bilboko Udalak "Bilbao Distrito Jazz" programaren beste edizio bat antolatuko du 2026rako. Egitaraua otsailaren 6an hasiko da, ostirala, eta martxoaren 13ra arte iraungo du, ostiral guztietan. Hainbat lekutan egingo dira emanaldiak, baina beti 19:00etan hasiko dira.

Programa hau BJC-Bilbaina Jazz Club Kultur Elkartearekin elkarlanean egiten da, eta hiriko auzoetara musika genero honetan erreferente diren artistekin egindako kontzertuak hurbiltzen ditu. Edizio berri honetan parte hartuko duten taldeak eta artistak honako hauek izango dira: Victor de Diego Quartet, SHOCK Trio (Martínez-López-Filiú), Gorka Benítez, Itxaso & José Luis Canal, Roberto Nieva Quartet eta Christoph Irniger Trio & Ben Van Gelder.

Kontzertu guztiak 19:00etan hasiko dira. Emanaldietarako sarrerak www.bilbaokultura.eus webgunean eros daitezke bost euroren truke, eta sarreren %20 ordubete lehenago jarriko da salgai areto bakoitzean.

"Bilbao Distrito Jazz" Bilboko hainbat auzotan kokatutako gune hauetan ospatuko da: J.C. Arriaga Kontserbatorioa, Bidebarrietako Liburutegia, Bertendona institutua eta Begoña, Errekalde eta Otxarkoagako Udaltegiak.

BILBAO DISTRITO JAZZ 2026 EGITARAUA

• Otsailaren 6an, ostirala, 19:00etan. J.C. Arriaga kontserbatorioa.

VICTOR DE DIEGO QUARTET.

Victor de Diego: saxo tenorra eta sopranoa / Germán Kucich: pianoa / Toño Miguel: kontrabaxua / Juanma Barroso: bateria.

Victor de Diego Bartzelonan bizi den saxofoi-jotzaile bilbotarra da, eta bere talde berria aurkezten digu. Estatuko eszenako musikari handiak daude taldean, eta askotan partekatu du agertokia haiekin. Laukotearen errepertorioa Victor de Diegoren jatorrizko kantuetan oinarritzen da.

• Otsailaren 13an, ostirala, 19:00etan. Bidebarrieta liburutegia.
SHOCK TRÍO. Martínez-López-Filiú.

Román Filiú: saxo altua / Baldo Martínez: kontrabaxua / Ramón López: bateria.

SHOCK Tri?o jazz garaikidearen funtsezko hiru pertsona ospetsuk osatzen dute, ikuspegi beraren bidez elkartuta: hizkuntza irekia, sortzailea eta guztiz modernoa aztertzea. Taldeak kideen heldutasun artistikoa eta inprobisazioaren eta elkarrizketa musikalaren mugak zabaltzeko borondatea biltzen ditu.

• Otsailaren 20an, ostirala, 19:00etan. Errekaldeko Udaltegia.
GORKA BENÍTEZ. “Baleen Lobak”.

Gorka Benitez: saxo tenorra, flauta / Alejandro Mingot: gitarra / Pablo Martín Caminero: kontrabaxua / Borja Barrueta: bateria.

Gorka Benitez jazzaldiko istorio-kontalaririk onena da, baita nazioarteko ahotsik pertsonal eta sendoenetakoa ere. Elkarlaneko proiektu honekin euskal jazzaren beste hiru talde handi biltzen ditu benetako all star bat osatzeko, euskal musikaren tradizioari eta nortasunari ikuspegi musikal garaikide batetik heltzeko asmoarekin.

• Otsailaren 20an, ostirala, 19:00etan. Bertendona institutoa.
ITXASO & JOSÉ LUIS CANAL. “Conversations”.

Itxaso: ahotsa / José Luis Canal: pianoa.

Itxasoren ahotsa, zalantzarik gabe, gure jazz-panoramako erakargarri eta iradokitzaileenetako bat da. Bikote honetan, José Luis Canal piano-jotzaile bikainarekin bat egiten du, eta "Conversations" eskaintzen digu, Itxaso beti eroso sentitu den unibertso intimoa publikoari hurbiltzen dion proiektua, non askatasuna eta interakzioa abiapuntua diren, eta proposamen oso desberdinen arteko konexio naturala ahalbidetzen duten.

• Martxoaren 6an, ostirala, 19:00etan. Begoñako Udaltegia.
ROBERTO NIEVA QUARTET.  

Roberto Nieva: saxo altua / Xan Campos: pianoa / Thiago Alves: kontrabaxua / Rodrigo Ballesteros: bateria.

Roberto Nieva saxofoi-jotzailea figura nabarmena bihurtu da nazioarteko jazz-panoraman, eta talentu aparta bilakatu da jazz garaikidearen eszenan. 2021/2022 FocusYear Band taldeko kide nabarmena da, eta hainbat herrialdetan jaso ditu aintzatespenak, eta Larry Granadier, Miguel Zenon, Chris Cheek, Jordi Rossy, Guillermo Klein, Alain Pérez, Kirk MacDonald, Perico Sambeat, Javier Colina eta Silvia Pérez Cruz artistekin kolaboratu du.

• Martxoaren 13an, ostirala, 19:00etan. Otxarkoagako Udaltegia.
CHRISTOPH IRNIGER TRIO & BEN VAN GELDER.

Christoph Irniger: saxo tenorra / Ben van Gelder: saxo altua / Raffaele Bossard: kontrabaxua / Ziv Ravitz: bateria.

Christoph Irniger saxofoi jotzaile, konpositore eta banda zuzendari suitzarra da, eta hainbat taldetan landu du bere ibilbidea, jazza, rocka eta antzeko musika estiloak joz. Bere lana hogei albumetan banatzen da orain arte, eta kontzertuak eta birak eman ditu Europan, Asian eta Estatu Batuetan. Oraingo honetan bere hirukotea aurkezten digu gonbidatu garrantzitsu batekin, Ben van Gelder saxofoi jotzailearekin, zeina nazioartean saxofoi altuko autoritatetzat hartzen den, eta bere soinu bakarragatik, lirismoagatik eta konposizioan duen ikuspegi pertsonalagatik laudatua.

"Bilbao Distrito Jazz" programaren helburua jazz musikarekiko eta, oro har, zuzeneko musikarekiko zaletasuna sustatzea da, Bilboko 2023-2033 Kultura Plan Estrategikoaren jarduera-ildoetan txertatuz.

bilbao.eus/

Laburrean

  • Mota Jaialdia
  • Data 2026(e)ko otsailaren 6(e)tik 2026(e)ko martxoaren 13(e)ra
  • Ordutegia19:00
  • LekuaBilbao
  • Zenbatekoa5 €
  • Sarrerak Erosi
  • Ikusi agenda Bilbao

Non