R.A. kaleratu eta martxoaren 14rako (larunbata) sarrerak agortu ondoren, HOFEk beste data bat gehitu du Dabadaba aretoan: martxoaren 13a, ostirala, Saguxarrekin batera.

Noizbait bizi izan dutenek badakite: HOFEren zuzenekoa momentuko zirraragarrienetakoa da. Tour honetan, Igotzek Jangitz Larrañaga eta Llúcia Pla lagun izango ditu eszenatokian, kanta berriak aurkezteko eta bere ibilbideko abestirik kuttunenak berriz entzuteko. Jarreraz eta emozioz beteriko bira, bere kontzertuak are urrunago eramateko prest.