Ermuko 2026ko Santixauak uztailaren 14tik 27ra bitartean ospatuko dira.

 

Bi astez, Ermua musikaz, kulturaz eta kaleko jardueraz beteko da, adin, gustu eta publiko ezberdinentzat pentsatutako proposamen anitzekin.

 

Musikaren atalean aipatzekoak dira, El Drogas, Zea Mays eta Travelling Brothers Big Band taldeen kontzertuak, uztailaren 17, 18 eta 27an izango direnak, hurrenez hurren. Hilaren 24, 25 eta 26ko gaueko dantzaldiek ere aipamen berezia merezi dute, Vulkano Show, Alaska On Tour eta Pasarela orkestra ospetsuak izango baititugu, hurrenez hurren.

Programak barne hartzen du uztailaren 19ko Nazioarteko Dantza Jaialdia, non Botswana (Afrika) eta Turkiako taldeak arituko dira.

Bestalde, kalitatezko kale-ikuskizunak ere antolatuko dira, esaterako Falta 7 taldearen "Express" titulukoa eta Hika taldearen "MakilHotsak", uztailaren 25ean eta 26an. Eta musika kalean une oro gozatzeko aukera izango da, estilo guztietako talde onenekin, esaterako: Irulitxa, La Tuna Bando, Ustekabe, Joselontxos, Alboka, New Tocados, Brincadeira, Ondalan, Mariachi Imperial de Guajanato, Rockalean, Macjearas Jazz Band eta Los artistas del gremio-ko musikariekin. 

Nobedade gisa, 2026ko Santixauek XSakara, Orlis Pineda eta Momak taldeen kontzertuak eramango dituzte; uztailaren 27ko eguerdian "Orain Bi" kale-ikuskizuna eta Martxoak 8 plazako musika programazioa indartzea, jaietako lau egun nagusietan beste bi DJen saioa gehitu delako.

• Ermuko Jaiak 2026: egitaraua (pdf)