Lehiaketa 09:00etan hasiko da. Identifikatu ondoren, parte-hartzaileak bakoitzak bere lana egiteko aukeratutako lekura joango dira.
17:00etatik aurrera, Arkupeko pasalekuan egindako obrak ikusi ahal izango dira, eta 19:30ean Andre Maria Zuriaren plazan sariak banatuko dira.
Lehen sariaren irabazleak 1.600 € jasoko ditu, eta bigarrenak, 1.400 €. Gasteizko margolarien artean ere bi sari banatuko dira, 1.200 € eta 1.000 €, hurrenez hurren.
Gehienez 55 parte-hartzaile onartuko dira, adin nagusikoak betiere. Aukeraketa egiteko, izenematearen hurrenkerari jarraituko zaio. 55 izen-emate baino gutxiago egonez gero, lehiaketaren egunean bertan izen-emateak onartuko dira, aurreikusitako gehieneko parte-hartzaile kopurua iritsi arte. Horretarako ordutegia 09:00etatik 11:00etara izango da; identifikazio, zigilatze eta zenbaketa prozesuak dirauen bitartean.
