Bilboko 2026ko Aste Nagusiaren barruan.

Gizakundeko Musika Klasikoaren Zikloak, Aste Nagusiko musika-programazioaren hitzordu sendoenetako batek, 27. edizioa beteko du aurten goi-mailako zortzi talde bilduko dituen egitarau batekin, non askotariko estiloak jorratuko diren eta euskal kutsua nabarmen izango den. Guztiz, zortzi kontzertu egongo dira, abuztuaren 22tik (larunbata) 29ra (larunbata) bitartean, denak 20:30ean eta sarrera doan tenpluko edukiera bete arte.

Abuztuaren 23an, igandea, Iñaki Bermudez saxofoi-jotzaileak eta Albert Guinovart piano-jotzaileak osatutako bikotearen txanda izango da, eta "Traditional Echoes" izenpeko progrsama batean Miquel de Jorge, W. Van Klaveren eta Albert Guinovart beraren lanak errepasatuko dituzte. Horrez gain, euskal musikan Aita Donostia edo Xabier Lete bezalako konpositoreen abestiek markatu duten tradizioan oinarritua, Euskal Lurrak kantua ere izango da ikusgai.