Jarduera hau Urban Fauna Resort proiektuaren barruan kokatzen da, Donostiako parkeetan intsektuen babesleku izango diren instalazio artistikoak egiteko deialdi irekia. Nekane Azpiazu arkitektoak gidatuko du tailerra, gure hirietan bizi diren izaki bizidunekin nola erlazionatzen garen hausnartzeko, Aranzadiko biologo taldearekin elkarlanean.
Walls into Porous Boundaries, deialdiaren irabazlea, harresi porotsua da, hiritarra eta naturala dena lotu nahi dituena, eta hainbat espezieri bertan bizitzeko aukera ematen diena, bizikidetza-modu sentikorragoak irudikatzeko helburuarekin.
Urban Fauna Resort Aranzadi Zientzia Elkartearen eta Chillida Leku museoaren arteko lankidetza da, eta Biartekomugi proiektuaren barruan kokatzen da, zientzia, artea, teknologia, mugikortasun aktiboa eta herritarren parte-hartzea uztartzen dituen esperientzia eraldatzailea.
