Bizkaia, 1935. Denborale gogor baten ondorioz, barruan ikatz tonak dituen itsasontzi ingeles bat hondartzen da. Gauean zehar, Algortako herritarrak kostaldean pilatzen dira urre beltza bereganatzeko. Sabas Jaureguik zorte-kolpe bat dela uste du; Josefak, bere emazteak, zantzu txar bat. Emaztearen erreguei jaramonik egin gabe, Sabasek ekaitz bortitzera eramaten ditu seme-alabak. Familiak pentsaezina dena egingo du negutik salba ditzakeen ikatza babesteko... edo betiko kondenatzeko.

Fitxa teknikoa:

• Zuzendaria: Igor Legarreta
• Antzezleak: Urko Olazabal, Itziar Ituño, Josean Bengoetxea, Miren Gaztañaga, Unax Hayden, Patxi Bisquert, Carlos Santos, Dani Cabrera, Kimetz Etxabe, Markel Martínez, Anuk Puértolas, Elena Uriz