Bilboko 2026ko BAD BILBAO – Antzerki eta Dantza Garaikidearen Jaialdiaren barne.

La Voz de Alarma proiektu hedatu bat da eta, horren bidez, Los Voluble taldeak zuzeneko ikus-entzunezko proposamen bat sortzen du. Proposamen horrek, nahasketaren bidez, artxibo flamenko berri baten sorrera, musika elektroniko globaleko proposamenak eta genozidio, albiste faltsu zein klima-aldaketaren garaietako gizarte-kritika harremanetan jartzen ditu. Ikuskizun honek flamenkoa erabiltzen du aldaketarako eta hausnarketarako tresna garaikide modura. Iragana eta oraina munduko ondoezei buruzko audioikuspegi garaikide batean elkartzen dira. Umorea eta gaurkotasun politikoa algoritmoak hackeatzeko zein bizi garen gizarteari buruzko galderak egiteko modu gisa ere agertzen dira.

Berriz ere, lan honetan Los Voluble taldeak, dantzari eta lankidetzari ematen die lehentasuna, ikuskizuna aurkeztu aurreko egonaldien bidez. Horietan, hemengo artistek material berriak grabatzen eta proposatzen dituzte, zuzeneko nahasketa- eta inprobisazio-lanerako.