Inoiz galdetu al diozu zeure buruari zer leku duzun museo batean? Zer istoriok, esperientziak eta begiradek dute lekua bertan? Zer aldatuko zenuke museoa hurbilago eta zeureago sentitzeko?

Entretejidas-Sareginak ekimenaren esparruan, Zehar-Errefuxiatuekin elkarteak arte-sorkuntzarako laborategi bat proposatzen du San Telmo Museoan, Donostian.

Bisiten, elkarrizketen eta sorkuntza-prozesuen bidez, museoa geure esperientzietatik abiatuta esploratuko dugu, eta hausnarketa egingo dugu topaketarako, ikaskuntzarako, pentsamendu kritikorako eta kultura-eskubideetarako sarbiderako espazio gisa duen eginkizunaz.

Tailerretan zehar, gure sormena garatu eta geure artelanak sortu ahal izango ditugu hainbat diziplina artistikoren bidez, hala nola marrazkia, pintura, collagea, eskultura edo instalazioa. Pertsona bakoitzak hainbat material izango ditu aukeran, bere proposamena garatzeko eta bere ideiak adierazteko askeen sentiarazten duen teknika aurkitzeko.

Ez da beharrezkoa aldez aurretik arte-esperientziarik izatea.

Prozesuaren amaieran topaketa bat egingo dugu, laborategian sortutako arte lanak eta prozesuan zehar sortutako hausnarketak partekatzeko. Horrela, museoak bizitzeko eta eraldatzeko beste modu batzuk irudikatzeko espazio bat irekiko dugu.

Noiz: urriaren 17an eta 31n, eta azaroaren 7an eta 14an, larunbatetan

Ordutegia: 11:00–13:00

Non: San Telmo Museoa · Donostia

DOAKO JARDUERA · MATERIALAK BARNE

Proposamena lau saioetan parte hartzeko eta sorkuntza-prozesu osoaren parte izateko pentsatuta dago. Saio guztietara joaterik ez baduzu, hala ere, eman izena: hobekien datozkizun saioetara joan ahal izango zara.

Aldez aurretik izena eman behar da · Plaza mugatuak Link: Repensar nuestro museo, Laboratorio de creación artística en el Museo San Telmo: Rellenar formulario