À pied d’oeuvre (por las mañanas escribo), Valérie Donzelli, Frantzia, 2025, 92’

Argazkilari arrakastatsu batek dena utzi eta bere benetako bokazioan murgilduko da: idazketan. Franck Courtésen eleberrian oinarrituta, Donzellik artistaren «pobrezia-botoa» aztertzen du prekarietatearen eta elkarlaneko ekonomiaren garaian, dirua sortzeko premia ukaezinak bultzatutako bizitzari ematen diogun balioa zalantzan jarriz... eta, azken finean, idazlearen hitzak bere eginez: «Testu bat asmatzeak ez du esan nahi argitaratzea, argitaratzea ez du esan nahi irakurria izango denik, irakurria izateak ez du esan nahi maitatua izango denik, maitatua izateak ez du esan nahi arrakasta izango duenik, arrakasta izateak ez du zoriontasunik iragartzen».