Euskal Fondoak udalen eskura jartzen du “Sahara. Lurralde okupatuak” erakusketa, saharar herriaren egoera eta okupatutako lurraldeen errealitatea ikusgarri egiten dituen sentsibilizazio-proposamena.
Sahara. Lurralde okupatuak Luali Lebser aktibistaren argazki-erakusketa bat da. Lebser saharar herriaren eskubideen aldeko ekintzailea da, eta Equipe Media kolektiboko kidea. Argazkiak leiho gisa irekitzen dira, aire zabaleko munduko kartzela handienean bizitzea nolakoa den erakusteko, non adierazpen eta prentsa askatasuna zulo beltz batean erori ziren. Saharar Herriaren erresistentzia hautsezinak bakarrik eragozten du hauek ahanzturaren amildegian desagertzea.
