Beste urte batez, urriaren bukaeran, Mungia iraganera itzuliko da bere ohiturarik tradizionalenak omentzeko, Mungiako, eskualdeko eta Bizkaia osoko egutegian ezinbesteko hitzordu bihurtu den herri-ekimenaren ospakizunarekin: Lore Jokoak, hain zuzen ere. Aurten, gainera, hitzordu bereziagoa izango da, 2026an elizatea eta hiribildua batu zireneko 126. urteurrena ospatuko baita.

Gauzak horrela, urriaren 25en, kultura eta tradizioa batuko dira mungiarren jatorria gogoratzeko. Ildo horretan, Udalak, herriko hainbat elkarte eta kolektiborekin batera, jardunaldi bat antolatu du, musika, euskal dantzak, bertsoak, gastronomia... bezalako jarduerez betetako programa batekin.