Hitzaldi-ziklo honek lau hurbilketa egiten ditu Bildu(e)mak. Museoaren bildumara, atal bakoitzean sakontzeko, arduradun nagusien eskutik: museoaren Kontserbazio taldea. Bildumaren berrirakurketa eta muntaketa berri hauek artikulatzeko erronkei buruzko lehen lanketa orokor baten ondoren, ziklo honetako lehen hiru hitzaldiek 1945eko eraikinean dagoen bilduman sakonduko dute.  Datorren urtetik aurrera, beste ahots batzuk sartuko dira, beren diskurtso ugarietan garaikidetasuneraino iristen diren narratiba eta pasarte historiko ugariei jarraipena emateko.  

Bildumekin bat etortzea. Antolaera berria Arte Ederren Bilboko Museoan (Gilermo Zuaznabar, kontserbatzaile burua)

Museoko kontserbatzaile buru Gilermo Zuaznabarren hitzaldi honen bitartez, Bildu(e)mak. Museoaren bilduma eraikitzeko eta artikulatzeko prozesuari ekitea eta ikusaraztea planteatzen da. Garai, jatorri eta diziplina ezberdinetako mila artelan inguruk osatutako ibilbidea da, artearen historiari buruzko lotura, kontakizun eta ikuspegi berriak ezagutzera gonbidatzen gaituena. Antzinarotik sorkuntza garaikidera arte, proposamenak artista handiak eta obra bikainak biltzen ditu, museoko funtsen aniztasuna agerian uzten duen, artisten zeregina aldarrikatzen duen eta, aldi berean, eskuratutako obrekin batera, denboran zehar bilduma eraiki duten dohaintzen, legatuen eta gordailuen ekarpena aitortzen duen muntaia berri batean.

Programa: 

• Urriak 28, Pello Irazu: "Bildumekin bat etortzea. Antolaera berria Arte Ederren Bilboko Museoan"
• Azaroak 4, Javier Novo: "Berezkoak eta arrotzak. Agerpen berriak, kontakizun berrikusiak eta presentzia klasikoak Goya eta Zuloaga artean"
• Azaroak 18, Miriam Alzuri: "Modernoaren nozioak, museoaren bildumaren bidez"
• Abenduak 9, José Luis Merino: "Greziatik Goyara. Artistak, bildumagileak eta begirada berriak"