Buenos Aires hiriaren eta bere hirigunearen arteko muga da aldi berean. Gauero, milaka lagunek zeharkatzen dute lanetik itzuliz.

Kolektiboak, semaforoak, asfaltoa, hormigoia, kartel herdoildu bat. Ikastera doan norbait, ogia saltzen duen beste bat. Argiteria publikoa eta hauteskunde-propaganda. Zelularren eta hanburgesen publizitatea. Zaborra eta loreak saltzen dituen andrea. Semea poliziaren eskuetan galdu zuen ama baten kontakizunak normaltasunaren irudiari egiten dio aurre. Bere borrokak eta ahotsak Julio Verneren mundu imajinarioak marrazten dituzte, juntxak irudikatuz. Pelikula hau indusketa prozesu bat da. Edo paisaiaren disekzioa, non, duela hamabost urte, Estatua Luciano Arruga desagertu zen.