SantasPascuas 2026 Jaialdia urriaren 30etik 2027ko urtarrilaren 5era bitartean ospatuko da.
SantasPascuas jaialdiak bere hamaikagarren edizioko musika-egitaraua iragarri du. Jaialdia penintsulako iparraldeko neguko eta Gabonetako kultur erreferente gisa finkatu da. Lehen aurrerapen honetan, 22 zuzeneko kontzertuk osatutako musika-egitaraua aurkeztu du, aisialdi estandarizatuaren inertziaren aurrean topagune eta gozamen-gune bat eskaintzeko asmoz.
Rodrigo Cuevas, Martin y Lilo, Repion eta Puño Dragón, Kiliki eta EzEzEz, HOFE eta 1111, Niña Coyote eta Chico Tornado eta Los Ácidos, Brecha, Sal del Coche eta Akauzazte, Jumelage eta Sedientos de Cumbia, eta Oxytocin eta Hoss & Swet izango dira Gabonetako programazioaren parte. Folklore garaikidea, rocka, popa, musika elektronikoa eta hiri-musika uztartuko ditu egitarauak.
Hamaikagarren edizio honetan, SantasPascuas jaialdiak 9.500 sarrera jarriko ditu salgai. Aurreko edizioko 8.000 sarreren aldean, jauzi kualitatiboa da, hazkunde organiko eta gertukoaren sendotzea erakusten duena. Publikoaren etengabeko babesari erantzuten dio, aretoetako erosotasunari, soinuaren kalitateari eta entzute aktiboari arreta eskaintzeari uko egin gabe.
EGITARAUA:
Urriaren 30ean, ostirala, Zentralen, 20:30: DEPRESIÓN SONORA + SILITIA
Abenduaren 25ean, ostirala, Zentralen, 19:45: KILIKI + EZEZEZ
Abenduaren 26an, larunbata, Totem Aretoan, 20:00: MARTIN + LILO
Abenduaren 26an, larunbata, Txintxarrin, 18:30: BRECHA
Abenduaren 27an, igandea, Indaran, 19:30: SAL DEL COCHE + AKAUZAZTE
Abenduaren 29an, asteartea, Zentralen, 20:45: REPION + PUÑO DRAGÓN
Abenduaren 30ean, asteazkena, Zentralen, 19:30: JUMELAGE + SEDIENTOS DE CUMBIA
Urtarrilaren 2an, larunbata, Txintxarrin, 19:30: OXYTOCIN
Urtarrilaren 3an, igandea, Indaran, 19:30: NIÑA COYOTE ETA CHICO TORNADO + LOS ÁCIDOS
Urtarrilaren 4an, astelehena, Txintxarrin, 19:00: HOSS & SWET
Urtarrilaren 4an, astelehena, Baluarten, 20:00: RODRIGO CUEVAS
Urtarrilaren 5ean, asteartea, Zentralen, 19:30: HOFE + 1111
