Garbiñe Elizegi Narbarte izango da udazkeneko Emakume Zientzilarien Argitan zikloko bigarren solasaldiaren protagonista. Zikloaren helburua euskal emakume zientzialariak ezagutaraztea da. Ana Galarraga ariko da aurkezle lanetan.
Garbiñe Elizegi Narbarte (Pomona, Kalifornia-AEB, 1975) erizaintzan doktorea da. Gaur egun, erizain gisa ari da Lesakako Osasun Zentroan, eta Lekarozen bizi da. Ikerketaz gain, feminismoan eta lurraren defentsan dihardu, herri-mugimenduko kide eta ekintzaile gisa.
