2026ko Donostiako Fantasiazko eta Beldurrezko Zinemaren Astearen egitarauaren barruan.
Fantasiazko eta Beldurrezko Zinemaren Astean Kasper Kalle zuzendariaren No Rest for the Wicked (Danimerka-Faroe Uharteak) filmaren proiekzioa.
Gotikoa da. Erromantikoa da. Daniarra da (Lars von Trier, Vinterberg, Dreyer, Isak Dinesen herrialdekoa). Gogorra da. Eta bere paisaia bolkanikoa, subpolarra, haizetsua, itsasokoa, Faroe uharteetan gertatzen da. Ez du zerikusirik Moon Studiosek duela bi urte sortutako izenburu bereko bideojokoarekin, bai ordea, nahiko, Brokeback Mountainen (2005) malenkonia hunkigarriarekin (Varietyk hala dio) edo Andrew Haighen All of Us Strangersekin (2023). Izan ere, XIX. mendeko kontakizun batean oinarrituta eta ahaldundutako gidoi batekin, misteriotsu dabil bi generoren artean, maitasun istorioena, eta gurea, Izuarena. Itsasora eroritako mutikoaren eta hura erreskatatzen duen baleontziaren arteko erakargarritasuna espektrala baita azkenean, naufragoak tartean direla, zeinen gorpuek, kostaldera bota dituenak itsaso basatiak, mantentzen duten odol biziaren beroa eta kolorea.
Fitxa teknikoa:
