Lau urteko geldialdi baten ondoren, 2024an berriz martxan jarri da Izaki Gardenak, 'Orube' izeneko diskoa argitaratu berri dute eta 2025aren hasieratik kontzertu bira arrakastatsu batean murgildu dira.

2012an sortu zuen Jon Basagurenek Izaki Gardenak. Urte hartan bertan argitaratu zuten Itsasargiak, bost kantuz osaturiko EPa. Ordutik lau disko luze eta hainbat single plazaratu dituzte, indie-rockaren eta poparen arteko soinuak landuz, zer esaten den eta nola esaten den zainduz.