ZINEXIT, Eusko Jaurlaritzako Justizia eta Giza Eskubideen Sailak –Giza Eskubide, Biktima eta Aniztasunaren Zuzendaritzaren bidez– sustatzen duen Giza Eskubideen Zinema Erakustaldia Bilbora itzuliko da aurten ere, erreferentziazko lan zinematografikoetatik abiatuta oinarrizko eskubideen inguruan gogoeta egitera gonbidatzeko, zineforum klasikoen eskemari jarraituz: film baten proiekzioa eta, ondoren, bertan dauden ikus-entzuleei irekitako eztabaida. Ekimenak 16. edizioa du dagoeneko, eta zazpigarren artea maite dutenentzat oso programazioa interesgarria aurkezten du.

ZINEXIT azaroaren 9tik 13ra egingo da Bilboko Azkuna Zentroko Golem zinema-aretoetan.