2026ko Literaktum jaialdiaren barne.
Euskal mendizaletasunaren historia liburuetatik komikira eraman dute Sua Edizioak eta Mendi Filmek. Erakusketak orain arte argitaratutako lau lanak —Everest, Iñurrategi anaiak, Andres Espinosa eta Edurne Pasaban— elkartzen ditu, bineta esanguratsuen eta haien sormen-prozesuaren bidez. Irudiz eta hitzez, belaunaldiz belaunaldi luzatzen den soka ikusezinari heltzeko gonbita da: gure gailurren memoria marraztuan barneratzekoa.