“Etxekoak” dokumentala ikusi eta protagonistekin solasaldia: Blanca Zaraguetak koordinatutako eta Jon Santamariak zuzenduriko dokumental honetan gazteria, migrazioa eta nortasuna jorratzen dira, beste herrialde batzuetatik etorritako familietan Gipuzkoan jaio edo hazi diren gazteen bizipenen bidez. Bere testigantzetatik abiatuta, dokumentalak kultura-aniztasunari, tradizioen arteko talkei, gainditzeko ahaleginari eta harrera-lurrarekiko loturari buruzko erretratu intimoa egiten du.