2026ko Literaktum jaialdiaren barne.
Literaktum jaialdian, Gabriel Aresti Mug(h)arri ikuskizuna izango da Joxan Goikoetxea eta Euskamerataren eskutik. Elkarrekin musikaren, hitzaren eta kulturaren arteko harremana sarritan uztartu izan duten EusKameratako kideak lagun dituela, Gabriel Arestiren figurarekiko ibilbide sentikor eta intelektuala proposatzen du Goikoetxeak pieza eszeniko honetan. Soinuzko sorkuntzaren eta hitz poetikoen arteko elkarrizketa garaikidearen bitartez, idazle bizkaitarraren pentsamendua, estetika eta iruditeria ideologikoa biziberritzeko gonbita da.
