Neguko ekaitz-gau batean, Pepa “The bottle” pirata zaharrarekin topo egin genuen, eta bost kontinenteetan barrena egindako ibilaldi luzeak gogoratu genituen. Bere bizitza-liburuarekin batera, “El Ulises” itsasontzian bizi izandako iragan bateko abenturak eta zorigaitzak biziaraziko dizkigu.
Peparekin gogoratuko dugu nola iritsi zen Japoniara, nola defendatu zituen animaliak Lagosen, nola bidaiatu zuen Yemayák kulunkatutako olatuen gainean, nola dantzatu zen Ozeanian eta nola itzuli zen, zahar eta oso zahar, bera jaiotzen ikusi zuten labar eskoziarretara.
