Falla eta bere lagunak, XX. mende hasierako berritze musikalaren funtsezko hiru zutabe. Paris abangoardiaren epizentroan.

Fallak, Debussyk eta Stravinskik XX. mendearen hasierako modernitateari buruzko hiru ikuspegi eskaintzen dituzte, Paris kultur eta estetika trukerako epizentro izan zen garai batean. Diaghileven Ballets Russes ospetsuentzat idatzitako El sombrero de tres picos lanean, Fallak Espainiako erritmo eta doinu herrikoiak —hala nola fandangoak, jotak eta farrukak— dinamismo liluragarriko eta umorerik falta ez duen ballet bihurtu zituen. Debussyk, berriz, La mer obran, kontakizun esplizitua saihestu zuen, eta hiru «zirriborro sinfoniko» sortu zituen. Horietan, harmonia ezegonkorrek eta etengabe aldatzen diren tinbreek itsasoaren aldakortasuna iradokitzen dute, ozeanoaren egunsenti ikusgarria nahiz haizearen eta olatuen arteko elkarrizketa harrapatuz. Azkenik, Stravinskiren Suzko txoriak, konpositorearen lehen arrakasta handiak, errusiar ipuin fantastiko baten exotismoa eta aparteko fintasuna duen orkestrazioa uztartzen ditu. Baluarten Lucas Maciasek berriro ere Euskadiko Orkestra gidatuko du, orkestraren birtuosismo handia eskatzen duen triptiko honetan.

• PROGRAMA: FALLA / DEBUSSY / STRAVINSKY

Abestu Euskadiko Orkestrarekin   [12’]

M. Falla
El sombrero de tres picos. Suite nº2   [13’]

C. Debussy
La mer   [23’]

I. Stravinsky
L’oiseau de feu. Suite   [23’]
 

Lucas Macías, zuzendaria