"Palestinako emakume errefuxiatuak: bakearen eta justiziaren haziak"

Irun 2026(e)ko Abenduak 4
  • "Palestinako emakume errefuxiatuak: bakearen eta justiziaren haziak"

Antolakuntzak jakinarazten du:

Datorren abenduaren 4an, Irungo Zabaltza plaza topagune, memoria eta sormen gune bihurtuko da UNRWA Euskadik “Gazte Artibistak II” proiektuaren barruan bultzatutako ekintza artibista batekin. Jardunaldian zehar, Pío Baroja BHIko Batxilergoko 1. mailako ikasleek, Xabier Santamaría muralistarekin batera, horma-irudi kolektibo bat margotuko dute zuzenean, ikasleek beraiek sortutako beste hainbat artelanekin lagunduta. Ekimen honen helburua Palestinako emakume errefuxiatuek giza eskubideen defentsan duten funtsezko zeregina ikusaraztea da, bizitzaren euskarri eta gizarte-eraldaketako eragile gisa duten lidergoari balioa emanez.

Esku-hartze artistiko honek ikasgeletan egindako hezkuntza- eta sentsibilizazio-prozesu bati amaiera emango dio; prozesu horretan, gazteek lurraldearen, justiziaren eta bakearen arteko harremanaz hausnartu dute, artea adierazpenerako eta herritarren konpromisorako tresna gisa erabiliz. Horma-irudia zuzenean sortzeaz gain, hitzorduan Palestinako pertsona errefuxiatu baten lehen pertsonako testigantza, Sold Band talde palestinarraren zuzeneko musika eta Euskadin bizi den familia errefuxiatu batek prestatutako Palestinako gastronomia tradizionalaren dastaketa izango dira.

Jarduera honek Gipuzkoako Foru Aldundiaren eta Eusko Jaurlaritzaren (eLankidetza) finantzaketa du, baita Irungo Udalaren laguntza ere. Herritar guztiei irekita dagoen jardunaldi honetara hurbiltzera gonbidatzen zaitugu, gazte artibisten lana bertatik bertara ezagutzeko eta elkarrizketa-, kultura- eta elkartasun-gune honekin bat egiteko.


Laburrean

  • Mota Bestelakoa
  • Data 2026(e)ko Abenduak 4
  • Ordutegia11:00
  • LekuaZABALTZA PLAZA
    Irun
  • ZenbatekoaDoan
  • HizkuntzaHainbat (euskara barne)
  • Ikusi agenda Irun

Non