La Sinsorgak jakinarazten du:

Xerach La Sinsorgara etorriko da. Pop elektroniko dantzagarria egiten du, eta ziurgabetasunaz, desioaz eta gure harremanei eusteko zailtasunez hitz egiten digun musikaren bidez. Abeslaria, bateria-jotzailea, konpositorea eta ekoizlea da, Kanaria Uharteetakoa, eta Christina Rosenvinge, Roba Estesa eta La Mare artistekin lan egin du, besteak beste. Bere disko berriak, ‘Tú me quieres? Yo te adoro’ izenekoak, zortzi abesti biltzen ditu: desagertzen diren maitasunei, bakardadeei eta dena behin-behinekoa dirudien mundu batean geratzeko gogoari buruzkoak. Sintetizadoreen, baterien eta ahotsen bidez esperientzia horiek pop queer bihurtzen dira, eta dantzaren bidez min ematen digun hori ere partekatzeko modu bat aurkitu dezakegu.